TIRANË– Incidenti i rëndë i ndodhur në protestën e sotme ku kreu i Partisë Demokratike Sali Berisha u godit me grusht në fytyrë nga 31-vjeçari Gerti Shehu duket se ja ka dalë të ‘bashkojë’ PD-në, të paktën në reagime. Kështu sulmin e kanë dënuar dhe deputetët që nuk janë reshtuar krah tij si Enkelejd Alibeaj dhe Gazment Bardhi. Pavarësisht përplasjeve dhe akuzave të ndërsjellta Alibeaj dhe Bardhi me anë të reagimeve në rrjetet sociale kanë dënuar sulmin. Ish-sekretari i Përgjithshëm i PD Gazment Bardhi e ka quajtur sulmoit si një akt burracakt btë lkryeministrit Edi Rama. Dhe deputetja Jorida Tabaku ka dënuar sulmin ndaj Berishës.
“Dënoj me forcë aktin e sotëm të dhunës ndaj Sali Berishës. Sulmi ndaj çdo politikani, e ndaj çdo individi, është një akt i dënueshëm dhe i pavend në një shtet funksional demokratik. Incidenti i sotëm duhet të zbardhet urgjentisht nga organet përgjegjëse ndërsa kultura e dhunës duhet përjashtuar njëherë e përgjithmonë nga zhvillimet e politikës në Shqipëri”, shkruan Alibeaj në Tëitter.
“Skenarët me dhunë ndaj kundërshtarit politik janë tipike të një regjimi të korruptuar dhe të kriminalizuar. Akt burracak i Edi Ramës, që nuk tremb dot askënd. Duke dënuar me forcë sulmin fizik ndaj z. Berisha, bëj thirrje që autorët e vërtetë të vihen menjeherë përpara ligjit”, shkruan Bardhi.
Po ashpër reaguan dhe ish-kryeparlamentarja Jozefina Topalli dhe deputeti Edmond Spaho, Në një reagim në Facebook Topalli shkruan se dihet se kush është frymëzuesi i dhunës së sotme, duke drejtuar gishtiun drejt kryeministrit Rama. Ndërsa deputeti Edmond Spahi ngjarjen e sotme e ka cilësuar si më të rëndën pas vrasjes së Azem Hajdarit.
“Agresioni ndaj Kryetarit te opozites zotit Sali Berisha, kur ai po drejtonte nje proteste kundra pushtetit aktual, eshte nje nga momentet me te erreta ne historine 30 vjecare te pluralizmit ne Shqiperi. Ky agresion eshte vetem politik. Opozita shqiptare natyrisht nuk sjell faqen tjeter ndaj dhunes brutale te ushtruar me te gjitha format ndaj opozites shqiptare e mbi te gjitha mbi kryetarin e saj zotin Sali Berisha. Kjo vjen pas shtyrjes se gjyqit per emrin e Partise Dëmokratike. Kjo vjen pas presionit ndaj medias. Kjo vjen pas blerjes se ish kryetarit te Pd per 10 vite; kjo vjen pasi disa deputete pseudo opozitar perpiqen ne cdo forme te demtojne misionin e shenjte te opozitarizmit. Brutaliteti i pushtetit ndaj kryetarit te opozites eshte pa burrni. Agresioni ndaj kryetarit te opozites ne proteste eshte thelbi i kultures te dhumes dhe i mos pranimit te misionit opozitar! Lironi agresion.Opozita e din kush eshte frumezuesi”, shkruan Topalli.
“Ky është provokimi më i rëndë që i është bërë PD-së dhe opozitës që nga vrasja e Azem Hajdarit. Fjalët nuk kanë më vend. Opozita duhet të veproje dhe te tregojë sa vlen”, shkruan Spaho.
Kryetari i Partisë Demokratike Sali Berisha u godit me grusht në fytyrë nga 31-vjeçari Gentian Shehu gjatë kohës që po marshonte nga selia e PD drejt bulevardit ‘Dëshmorët e Kombit’ ku do bashkohej me protestuesit. Shehu ka ardhur në mënyrë të rrufeshme nga turma dhe goditi në fytyrë Berishën. Në këtë moment kreu i PD ka rënë në tokë ndërsa ai është neutralizuar nga truprojat.
