TIRANË– Sulmi fizik ndaj Sali Berishës në protestën e 6 dhjetorit ka ‘ndezur’ debatet në Kuvend ditën e sotme. Në fjalën e saj ministrja e Shtetit për Marrëdhënien me Parlamentin Elisa Spiropali u shpreh se ka ndjerë keqardhje ndaj sulmit. Më tej ajo akuzoi kreun e PD se është një politikan që gjithmoinë ka nxitur dhunë dhe sipas saj këtë bëri dhe sot gjatë fjalës së tij në seancë ku kaloi në fyerje personale ndaj ministrit të Brendshëm Bledi Çuçi.
“Ndjeva keqardhje për ju zoti Berisha. Nuk do ta doja ta shihja atë skenë, atë përgjakjen tuaj, nuk do ta doja ta shikoja ditën e samitit, nuk doja ta shihja as ndonjë ditë tjetër të vitit. E di se shumë prej jush ka përmendur të kaluarën atë ditë që ndodhi ngjarja. Ju cilësuan si politikani që keni përdorur dhunë. E dëshmuat edhe sot fatkeqësisht që jeni politikani që keni kultivuar dhunë, keni goditur shumëkënd,”, tha Spiropali, por këto fjalë nuk u protën mjaft mirë nga Opozita.
Ndërkohë Berisha pasi mbaroi fjalën u largua nga Kuvendi. Përgjigjen ministres ia dhanë deputetë e opozitës të cilët u shprehen se fjala e mbajtur nga Spiropali ishte një turp.
“Je dhe grua, nuk ke turp”- tha dikush.
“S’ju vjen turp,”- dëgjohet një tjetër të thotë.
