KOSOVË– Tensione të forta në veri të Kosovës. Raportohet se gjatë natës dhe në orët e para të mëngjesit janë dëgjuar tre shpërthime të fuqishme në Mitrovicën e Veriut dhe Zveçan. Mësohet se forcat e Policisë së Kosovës janë sulmuar me molotov dhe gurë nga serbët. Shpërthimi i dytë ka ndodhur në oborrin e stacionit të Policisë në Mitrovicë të Veriut, ndërsa i treti në Zveçan, në afërsi të stacionit policor.
Nga këto shpërthime, raportohet se nuk ka asnjë të lënduar. Lajmi është kofirmuar dhe nga zëdhënësi i Policisë së Kosovës për Rajonin e Veriut, Veton Elshani
Veton Elshani: Në intervalin kohor prej orës 23:30 deri në orën 01:30, kanë ndodhur tri shpërthime. Një ka ndodhur në rrugë gjatë patrullimit të policies, vetura e policisë është gjuajtur me gurë dhe dyshohet se është hedhur një shok bombë. Një ka ndodhur në stacion të Policisë në Mitrovicë të veriut, saktësisht në oborr. Shpërthimi tjetër ka ndodhur në Zveçan, në afërsi të stacionit të policies. Nuk ka të lënduar. Te rasti i parë, vetura është dëmtuar nga gjuajtja me gurë, e në dy rastet tjera s’kemi dëme.
