Sulmuesi Zlatan Ibrahimovic ka kaluar dëmtimin dhe do të jetë gati për ndeshjen e radhës në kampionat.
Suedezi është stërvitur me pjesën tjetër të skuadrës te Milani dhe mund të aktivizohet për sfidën ndaj Lecce.
Ibrahimovic u kthye nga dëmtimi i gjatë një muaj më parë në ndeshjen me Udinesen ku edhe shënoi, por më pas u dëmtua sërish.
Sfida me Leccen do të luhet ditën e diel dhe kuqezinjtë do të kërkojnë me çdo kusht fitoren, për të vazhduar luftën për zonën Champions, aq më tepër në një moment kur Juventusit iu rikthyen pikët dhe u ngjit në vendin e tretë në renditje.
