Për katër ditë me radhë, me datë 25, 26, 27 dhe 28 korrik, Kosova do të bëhet sërish ‘skena’ e artistëve me famë ndërkombëtare dhe jo vetëm, falë ‘Sunny Hill Festival’.
Mes emrave ndërkombëtarë që do të performojnë janë yjet si: Bebe Rexha, Stormzy, Burna Boy, Black Coffee, Dj Snake, Tomy Gold, The Blaze, AntsLive, The Martinez Brothers, Chloe Calliet, My Gal, Lancey, Kamal etj.
Por nuk do të mungojnë as artistët më me zë vendas si: Yll Limani, Dafina Zeqiri, Dhurata Dora, Ledri Vula, Kresha & Lyrical Son, Llafazani, Capital T, Mozzik dhe jo vetëm.
Edicioni i radhës i festivalit, i cili konsiderohet si më madhështori që është organizuar ndonjëherë, do të mbahet në Bërnicë të poshtme në Sunny Hill Park në Prishtinë.
Festivali po punon në detajet e fundit të skenës dhe hapësirës që përvecc muzikës, do të ofroje dhe mjaft mundësi të tjera rekreative dhe argëtuese. Dhe pa dyshim, punliku nuk është vetëm nga Kosova, por edhe Shqipëria, rajoni dhe bota të cilët mezi kanë pritur koncertin e radhës së artistëve të tyre të preferuar.
Për të gjithë ju që nuk e keni blerë ende biletën tuaj, mund ta gjeni në faqen e festivalit:https://sunnyhillfestival.com/tickets/
‘Sunny Hill Festival’, përveç se është një nga festivalet më madhështore të organizuar në Kosovë dhe jo vetëm, ai mban vulën e të madhes, yllit me famë ndërkombëtare me origjinë nga Kosova, Dua Lipa dhe babait të saj Dukagjin Lipa. Por synimi i festivalit nuk është vetëm muzika dhe tërheqja e sa më shumë fansave të cilët kanë arritur në shifra rekord në edicionet e radhës, por edhe të ketë një ndikim pozitiv në mjedis.
