Milani vazhdon të ketë si objektiv, hyrjen në zonën Champions, duke parë që de facto kampionatin e ka të humbur tashmë, për shkak të diferencës së frikshme nga veni i parë.
Pas një mesjave plot emocione dhe gëzim në Champions League me kalimin në gjysmëfinale kundër Napolit, Milani është rikthyer me kokën në kampionat në një garë – atë për vendin e katërt – po aq e rëndësishme këtë sezon.
Kundër Leçes në San Siro, pas dy barazimeve në shtëpi kundër Salernitana-s dhe Empolit, ishte ndeshja klasike me “një mijë gracka” për kuqezinjtë, absolutisht për të mos u humbur dhe skuadra e Piolit nuk fali këtë herë: 2-0 kundër klubit nga Salento me kontribut kryesor nga Rafael Leao, autori I të dy golave të takimit.
Gjatë pjesës së parë, toksinat nga angazhimi i mesjavës u panë të gjitha në garë dhe në mendimet e lojtarëve kryesorë të Milanit, duke i vënë në vështirësi dhe ata që, si Kalulu, Thiaë dhe Rebic, nuk u impenjuan në duelin e Championsit.
Kundër Leçes së Baronit, gjithmonë të gatshëm për të sulmuar me Banda dhe Ceesay, kuqezinjtë u përpoqën të kontrollonin ritmin e lojës pa gjetur megjithatë asnjëherë inkursion vendimtar për të gjithë pjesën e parë të ndeshjes.
Në të vërtetë, rasti i parë i vërtetë ishte në këmbët e Leçes me një krosim të Gendrey nga e djathta që befasoi Krunic dhe shokët e tij, por goditja me kokë e sulmuesit nga disa hapa në një portë të zbrazët nuk përfundoi në kuadrat.
Episodi që zhbllokoi ndeshjen erdhi në zonën e rreptësisë së Leçes: në minutën e 40-të një goditje nga këndi mes Tonalit dhe Messias çoi në epërsi 1-0 nga Leao, i cili goditi saktë me kokë në shtyllën e dytë.
Para pushimit, Baschirotto, sërish nga këndi, ishte afër barazimit duke goditur ama në trupin e Messias, por me epërsinë e fituar, rezultati ndryshoi tërësisht në pjesën e dytë.
Në të 75-ën minutë, Leao mbylli de facto takimin duke realizuar golin e dytë për Milanin.
Me këtrë fitore, kuqezinjtë gjenden në vendin e pestë, me pikë të barabarta me Romën e vendit të katërt por me një ndeshje më shumë se kryeqytetasit.
