TIRANË– “Saimir Tahiri u lirua me urdhër të Edi Ramës“, ky ishte komenti që bëri kryedemokrati Sali Barisha sa i përket lirimit nga burgu të ish-ministrit të Brendshëm Saimir Tahiri këtë të premte me vendim të Gjykatës së Elbasanit. Sipas Berishës Tahiri i ka dërguar ultimatum kryeministrit Edi Rama për lirimin e tij ose përndryshe ai do të fliste.
Sali Berisha: Saimir Tahiri u lirua me urdhër të Edi Ramës me ultimatumin që i çoi se është dita e durimit, përndryshe do zbërthej të gjitha lidhjet e Olsit dhe Edit me bandat që nga Meksika deri në Afrikë të Jugut. Kështu që është një urdhër direkt i Edi Ramës. Saimir Tahiri ia dha këtë ultimatum botërisht. I keni parasysh deklaratat e tij. Më në fund ai arriti ta mposhtë Edi Ramën, i cili tani është i ngërthyer në aferën McGonigal. Po bën lobimin më të fuqishëm, por nuk do të shpëtojë dot me gjithë angazhimin e Soros dhe miqve të tij. Unë kam bindjen se drejtësia amerikane do i tregojë vendin këtij korruptori të McGonigal.
