TIRANË– Deputeti i Partiasë Demokratike Saimir Korreshi ka dhënë detaje nga takimi i zhvilluar “kokë më kokë” me Lulzim Bashën në një nga sallat e Kuvendit. Në dalje të seancës Korreshi tha se i ka kërkuar ish-kryedemokratit që të sqarojë pozicionin e tij në këtë përplasje. Korreshi tha se lidershipi i ri i PD nuk duhet të jetë i imponuar por i gjithëpranuar nga demokratët.
Saimir Korreshi: Nuk është serioze, zotit Bardhit ia kam thënë gjithmonë. Në kryesi kam thënë se nëse doni të bëni një parti që t’i shërbejë vetëm atij që do emërohet kryetar dhe disa mbështetësve të tij, unë nuk jam. Unë jam për një parti si ajo e 2021 është e kotë nëse nuk arrijmë të realizojmë diçka të tillë. Kishte dy momente, për të cilët deputetë u ndjenë se kjo ishte e zoti Bashës. U duk sikur u zunë pritë në momentin kur nisi mbledhja e kryesisë, dihet që shumica ishin mbështetës të Bashës. Momenti i dytë ishte se dhe mbështetësit që ishin jashtë, ishin të Bashës. Në matematikë bëjnë 2, dikush mund ta ketë politikë matematikën, me mua jo. I kam kërkuar Bashës që ta sqarojë pozicionin e tij, tha se distancohet dhe se nuk ka lidhje me të. Nuk jam në për një proces që sjell Bashën në krye të PD, me zor dhe imponim, asnjë prej të treve mos të rikthehen pasi kanë përdorur gjuhë të rëndë. Si Basha-Berisha, apo Alibeaj. Një pjesë e demokratëve nuk do e gjejë veten në politikën e tyre, jo gjithmonë duhet të jesh lideri, janë të rëndësishëm por jo si drejtues.
