TIRANË– Deputeti i Partisë Demokratike Enkelejd Alibeaj ka zbardhur takimin e zhvilluar këtë të mërkurë në Kryesinë e Kuvendit me ambasadoren e Shteteve të Bashkuara të Amerikës në Tiranë Yuri Kim. Në një postim në Twitter Alibeaj shkruan e fokusi i takimit ishin zgjedhjet e 14 Majit si dhe zhvillimet e fundit në vend. Ndër të tjera ai shton se në emër të PD-së ka garantuar Kim për vullnetin e tyre për tu përfaqësuar denjësisht zgjedhje.
POSTIMI I ALIBEAJT:
Gjatë një takimi të frytshëm dhe miqësor me ambasadoren e SHBA në Tiranë prekem temat që lidhen me zhvillimet më të fundit në vend për t’u ndalur më gjatë tek ato të zgjedhjeve vendore të 14 Majit. Diskutuam për rekomandimet e ODIHR, shqetësimet mbi përdorimin e administratës dhe pastërtinë e kandidatëve. Shqetësime këto të ngritura dhe më parë nga opozita dhe që kanë shoqëruar problematikën e proceseve të fundit zgjedhore në Shqipëri. Në emër të PD garantova ambasadoren e SHBA për vullnetin e mirë tonin për t’u përfaqësuar denjësisht në këto zgjedhje duke zbatuar rekomandimet e ODIHR, duke ndarë me të shqetesime të ndryshme përfshirë dhe rolin e medias, para dhe gjatë fushatës elektorale. Në fund të bisedës e falenderova për mbështetjen e vazhdueshme që SHBA i kanë dhënë Shqipërisë dhe shqiptarëve në rrugëtimin e gjatë dhe të vështirë të zhvillimeve demokratike.
1.4. Në fund të bisedës e falenderova për mbështetjen e vazhdueshme që SHBA i kanë dhënë Shqipërisë dhe shqiptarëve në rrugëtimin e gjatë dhe të vështirë të zhvillimeve demokratike. pic.twitter.com/GyHfANHycI
— Enkelejd Alibeaj (@enkelejdalibeaj) March 8, 2023
