TIRANË– Ish-kryetari i Partisë Demokratike Lulzim Basha ka reaguar këtë të enjte pas videos së publikuar një natë më parë ku ai shfaqej duke u takuar në fshehtësi me kreun e grupit parlamentar të Partisë Socialiste Taulant Balla. Në videon e publikuar nga Syri Tv Basha takohen në fshehtësi me Ballën në një apartament në pronësi të një bashkëpunëtoreje të afërt të tij, makinën e së cilës kishte përdorur dhe për të shkuar në takim.
Përmes një postimi në rrjete sociale ish-kryedemokrati e hodhi poshtë një takim të tij me Ballën duke thënë se është montazh. Në reagimin e tij të shkurtër Lulzim Basha shkruan se këto janë trillime që sipas tij bëhen për ti fryrë akoma më shumë frymës së përçarjes së demokratëve.
POSTIMI:
Ndërkohë në lidhje me videon ka reaguar dhe kruetari i Partisë Demokratike Sali Berisha. Përmes një postimi në rrjetet sociale ku ka shpërndarë dhe videon nga takimi Berisha e cilëson opozitën e Bashës si ‘’opozita e bodrumit’’.
POSTIMI:
