TIRANË– Ambasada e Shteteve të Bashkuara të Amerikës në Tiranë ka zbardhur takimin e sotëm që diplomatja amerikane e akdredituar në Tiranë Yuri Kim ka zhvilluar mëe kreun e ri të SPAK Altin Dumani. Në një posrtim në Facebook selia diplomatike shprehet se Shtetet e Bashkuara do të mbështesin kreun e ri të Strukturës së Posaçme dhe të gjithë prokurorët e tjerë në luftën ndaj krimit dhe korrupsionit pasi sipas ambasadës kjo është dhe porosia e presidenmtit Joe Biden. Ne do të mbështesim luftën ndaj krimit dhe korrupsionit thuhet në deklaratë ndërsa shtohet se korupsioni kërcënon sigurinë kombëtare, prandaj I duhet dhënë përparësi.
POSRIMI I AMBASADËS SË SHBA-së:
Ambasadorja Yuri Kim u takua sot me Kreun e ri të SPAK, Altin Dumani, për ta uruar atë për postin e tij të ri drejtues. Ajo ritheksoi që Shtetet e Bashkuara do të vazhdojnë të mbështesin fort zbatimin e reformës në drejtësi, një kërkesë për aspiratat e Shqipërisë për t’u anëtarësuar në Bashkimin Europian. Në këtë drejtim dhe për të çuar përpara jetësimin e faktit që Presidenti Biden e ka identifikuar luftën kundër korrupsionit si interes thelbësor të sigurisë kombëtare të Shteteve të Bashkuara, ne do të mbështesim plotësisht prokurorët dhe hetuesit e SPAK teksa ndërtojnë mbi sukseset e deritanishme dhe intensifikojnë ndjekjen penale të korrupsionit të nivelit të lartë dhe krimit të organizuar, në përputhje me ligjin, pa frikë apo favore. Askush nuk është mbi ligjin.
