TIRANË– Është shoqëruar me debate dhe diskutime të shumta mbledhja e sotme e Komisionit të Ligjeve në momentin që po diskutohej taksa e hirrës dhe kremit të qumështit. Sipas deputetëve të opozitës Oerd Bylykbashi dhe Dhurat Çupi taksa nuk duhet të ishte vendosur fare pasi dëmton fermerët. Në përgjigje të tyre zëvendësministrja e Financave Vasilika Vjero ka deklaruar se fillimisht kur u vendosën këto taska nuk kanë pasur kontestime nga asnjë. Dhe deputeti socialist Fatmir Xhafaj shprehu kritika ndaj ministrisë.
DEBATI:
Vasilika Vjero: Në këto dy produktet kur i vendosëm taksën në 2021, nuk patëm kontestime. Më tutje na u shfaqën dhe konstestimet e komunitetit të biznesit.
Fatmir Xhafaj: Nuk e dinte ministria më herët këtë vlerë, tani e mësoj? Një lloj revolte që ndjeva për këtë gjë. Po përse nuk i pyetët më parë grupet e interesit? Mund t’i kërkoni ndjesë?
Dhurata Çupi: Vetëm vitin e parë u rënduan konsumatorët me taksa deri në 200 milionë dollarë. Në 2016 taksat vendore i dyfishuat. Prandaj kemi shqiptarë që ikin. Sot hiqni taksën e hirrës, pasi shqiptarët nuk prodhojnë dot as hirr.
Oerd Bylykbashi: Ky diskutim, vjen pikërisht sot, kur bordi transparencës, pa transparence rriti prapë çmimin e karburantit, por parlamenti po i ul kostot duke hequr taksën e hirrës.
