KORÇË– Një 43-vjeçar i identifikuar me inicilaet A.Ç është vënë në prangat e policisë së Korçës këtë të shtunë pasi u kap duke drejtuar mjetin në gjendje të dehur. Ai u arrestua në aksin rrugor Pogradec-Tushemisht ku shkaktoi dhe një aksident fatmirësisht vetëm me dëme matreriale.
NJOFTIMI I POLICISË:
Specialistët e Trafikut Urban dhe Interurban të DVP Korçë arrestuan në flagrancë shtetasin A. Ç., 43 vjeç, banues në Tushemisht, Pogradec, pasi në aksin rrugor “Pogradec-Tushemisht”, duke drejtuar automjetin, ka humbur kontrollin mbi drejtimin e automjetit dhe për pasojë automjeti ka dalë nga rruga, duke shkaktuar vetëm dëme materiale. Pas kryerjes së testit të alkoolit, 43-vjeçari rezultoi se e drejtonte automjetin, në gjendje të dehur.
