FIER– Gjashtë persona janë vënë në prangat e Policisë sëe Fierit pasi u kapën duke drejtuar mjetin në gjendje të dehur dhe pa leje drejtimi. Sipas Policisë janë ndëshkuar 385 drejtues mjetesh për parakalime të gabuara.
NJOFTIMI I POLICISË:
Kontrollet intensive, me qëllimin e vetëm, parandalimin e ngjarjeve rrugore me pasoja për jetën dhe shëndetin e përdoruesve të rrugës. Gjatë javës që lamë pas, si rezultat i këtyre kontrolleve, janë arrestuar në flagrancë 3 drejtues mjetesh për drejtim mjeti në gjendje të dehur dhe 3 drejtues për drejtim mjeti pa leje drejtimi. Gjithashtu gjatë kontrolleve janë ndëshkuar për përdorim të celularit gjatë drejtimit të automjetit, 75 drejtues.
-Janë ndëshkuar 385 drejtues mjetesh për parakalime të gabuara.
-153 drejtues mjetesh janë ndëshkuar për mosvendosje të rripit të sigurimit.
-111 drejtues janë ndëshkuar për mosvendosje të kaskës mbrojtëse.
-990 drejtues janë ndëshkuar për shpejtësi tej normave të lejuara.
Policia e Rrugore e Fierit apelon për të gjithë përdoruesit e rrugës, që të zbatojnë me rigorozitet rregullat e qarkullimit rrugor, të moderojnë shpejtësinë, të vendosin rripin e sigurimit, të mos përdorin celularin gjatë drejtimit të mjetit dhe të mos kryejnë parakalime të gabuara.
