Pronari i Chelseat, Todd Boehly dhe shefja e Newcastle United, Amanda Staveley u panë duke hyrë në Hotelin Churchill të Londrës, ku krerët e secilit klub u mblodhën për të diskutuar akuzat e Premier Ligës ndaj Manchester City.
Kampioni i Premier Ligës u akuzua të hënën me mbi 100 shkelje të rregullave financiare gjatë një periudhe nëntë vjeçare, dhe tani po përballen me rrezikun e sanksionimeve me heqje të pikëve dhe përjashtim nga liga nëse akuzat rezultojnë të vërteta.
Rregullat e Fair Play financiar sigurisht që janë në agjendën e takimit të krerëve të Chelseat dhe Newcastle, takim ky i cili ishte paraparë që të zhvillohet në fund të kësaj jave, me Premier Ligën që do të hyjë në një luftë të gjatë ligjore me Manchester Cityn.
Pronarët e Chelseat dhe Newcastle kanë frikë se çështja, e cila i është referuar një komisioni të pavarur, mund të vazhdojë për të paktën dy vjet pa zgjidhje.
Krahas Boehly dhe Staveley, shefat e Brightonit, Tony Bloom dhe Paul Barber u panë duke mbërritur në gjithashtu në Londër./KosovaPress
