TIRANË- Mbrëmja e së premtes, ka qenë padiskutim një nga më të bukurat dhe që do të mbahet mend gjatë në kujtesën e çdo shqiptari dhe jo vetëm, të cilët ishin të pranishëm në koncertin dhe në momentet magjike që dhuroi ylli spanjoll në skenën e “Sheshit Skënderbej”.
Ngjitja në skenë e artistit, u prit me padurim prej fansave të tij, të cilët qëndruan aty për orë me rradhë deri sa ai u ngjit në atë skenë magjike dhe e shëndrroi sheshin në një vend magjik, ashtu siç vetëm Enrique di ta bëj.
Disa momente para performancës së tij, Iglesias takoi kryetarin e Bashkisë, Erion Veliaj-n, të cilit i tregoi sesa i emocionuar ishte dhe “Sonte do të jetë një natë magjike dhe unë e di që të do të jetë,” tha Iglesias, dhe në të vërtetë ai ia doli!
Këngëtari i njohur erdhi në Shqipëri në kuadër të javës spanjolle të kulturës dhe mbushi sheshin plot me qytetarë dhe një atmosferë të paparashikueshme!!
