Të lodhur në mëngjes? Ky pozicion i gjumit i dëmshëm për shëndetin
Edhe pse shumë njerëz ndihen më rehat duke fjetur me bark, duhet të dini se ky pozicion është shumë i dëmshëm për trupin.
Sipas studiuesve, ky pozicion është i dëmshëm sepse e sforcon shpinën dhe qafën. Kjo është arsyeja pse ndiheni ca si të lodhur në mëngjes.
Mendoni dhe për fytyrën. Duke qenë se nuk mund të mbani dot fytyrën të shtypur në jastëk duke penguar dhe frymëmarrjen, detyroheni të ktheni kokën në njërën anë.
Por mbajtja e kokës në një anë për një kohë të gjatë mund të çojë në rëndim dhe ngurtësim të muskujve të shpatullave.
Në raste të rënda, ky zakon mund të shkaktojë dhe hernie cervikale. Për më tepër ky pozicion shkakton rrudha në fytyrë.
Studimet kanë treguar që kjo është gjëja më e keqe që mund të bëni, pasi presioni mund të shkaktojë rrudha në fytyrën tuaj me kalimin e kohës.
