A ke qarë ndonjëherë me lumturi? Ndonjëherë mund të ndodhë që, në një moment shumë të bukur të jetës sonë, të dalin lotë. Asgjë e çuditshme. Përkundrazi, kjo lloj të qari është e mirë dhe është më e dobishme se kurrë.
PSE PO QAN?
Por pyetja e vërtetë është: Çfarë përfaqëson e qara? Si gjithmonë, emocionet janë në qendër të çdo gjëje. Për të shkaktuar të qarat është pikërisht kulmi i ndjesive që ndiejmë se na pushtojnë dhe që nuk mund t’ia dalim në asnjë mënyrë. Për të “dekompresuar” pastaj vijnë lotët, të cilët shpesh bien të shoqëruar nga një buzëqeshje e bukur.
Me pak fjalë: nëse lumturia është e tepërt, mund të qash që ta lësh të lirë dhe të ribalancosh ndjenjat. Nga ana tjetër, ka shumë arsye të lumtura pse ia vlen t’i lësh lotët. Mund të nxitesh duke marrë lajme të bukura ose kur një kujtim i bukur rishfaqet dhe rishfaq ndjesitë e së kaluarës. Prandaj, nuk është gjithnjë trishtimi që na shtyn të qajmë, por ndonjëherë është dashuria ajo që na shtyn ta bëjmë këtë.
PSE ËSHTË MIRË PËR TY?
Kur qajmë me trishtim është sikur trupi ynë po përpiqet në ndonjë mënyrë të nxjerrë sëmundjen që ka brenda, duke vënë një pikë. Në këto situata, të qarit është një zgjidhje që na ndihmon të përballojmë zhgënjimin, zemërimin dhe dhembjen.
Megjithatë, herë të tjera, të qarit është mënyra e vetme që duhet të shprehim dhe të përpunojmë një gëzim tepër të madh. Emocioni, befasia dhe lehtësimi na pushtojnë, duke kapërcyer dhe duke dalë me një forcë kaq shkatërruese, saqë kthehet në lot. Sidoqoftë, të qash është mirë!
Nga ana tjetër, studime të shumta shkencore dhe psikologjike kanë treguar se njerëzit që kanë guximin të braktisin veten për të qarë janë më të fortë dhe të pajisur me mjetet e duhura për t’u përballur me jetën e përditshme me vendosmërinë e duhur.
ATA NUK KANË FRIKË NGA EMOCIONET
Shpërfillja e emocioneve që ndjejmë – si pozitive ashtu edhe negative – nuk është kurrë vendimi i duhur. Të qash, ndryshe nga ç’mendojnë shumë veta, nuk është aspak shenjë dobësie, por thjesht të bën njeri më të ndjeshëm. Tregoni se keni ndjenja që mund t’i tregoni, pa frikë, madje edhe në publik, pa ndonjë siklet apo faj.
ATA E DINË FUQINË E LOTËVE
Lotët kanë një fuqi të shenjtë, pothuajse shëruese. Ata kanë aftësinë të çlirojnë stresin dhe ankthin, duke e lehtësuar presionin. Pavarësisht nëse je i trishtuar ose i gëzuar, ato të ndihmojnë të zhdukësh ndjenjat që ndien. Mbajtja e tyre është e dëmshme, fizikisht dhe mendërisht, por të heqësh dorë është një vendim i mençur.
ATA PËRFITOJNË NGA TERAPIA EMOCIONALE
Disa studime kanë treguar se e qara nxit lirimin e endorfinave në trup. Por, jo vetëm kaq: ndihmon edhe në zvogëlimin e nivelit të manganit, një kimikat që mund të shkaktojë dëme nëse është i pranishëm në tepri. Shumë janë të bindur se e qara është e padobishme, në të vërtetë është një lloj terapie emocionale që ndihmon të mos ndihemi të dërrmuar dhe të kemi një vizion të qartë.
ATA NUK E LËNË VETEN TË NDIKOHEN
Në shoqërinë tonë, për fat të keq, të qarit gjithnjë e më shumë vlerësohet si një gjest dobësie. Nëse një grua qan ajo është tepër e brishtë ose e paqëndrueshme, nëse këtë sjellje e bënë një burrë nuk është mjaft burrërore. Këto janë përgjithësime idiote që të nxitin të mos tregosh ndjenjat e tua, diçka që në të vërtetë duhet të jetë më se e natyrshme./Psikologjia
