TIRANË- Një ngjarje tejet skandaloze është regjistruar këtë të premte në shkollën 9 vjeçare “Kongresi i Manastirit” në kryeqytet. Video sapo është publikuar dhe po bën xhiron e rrejtit me shpejtësi marramendëse, ndërkohë që disa vajza në grup rrahin një shoqen e tyre.
Madje, kulmi është i vajzës që filmon skenën, përveçse komenton, inkurajon shoqet që t’i bien vajzës. Njëra nga vajzat e mban për flokësh vajzën që dhunohet, në mënyrë që të tjerat të qëllojnë mbi të.
Vajzës së dhunuar e shtrirë në tokë nuk i lihet asnjë mundësi që të ngrihet, ndërkohë që shumë vajza në grup e qëllojnë.
Një pamje vërtet e paprecedentë, për vajzën që po dhunohet e që duhet të hetohet nga policia, por edhe për dhunueset. Më makabre është për shoqet e tyre spektaktore të spektaklit të shëmtuar përpara shkollës ku askush nuk ndërhyn.
“Të q*va robt, b*thëq*re, k*re”, janë disa prej fjalëve që dëgjohen gjatë konfliktit të ndodhur në oborrin e shkollës “Kongresi i Manastirit” në Tiranë.
