TIRANË– “Qeveria duhet të fokusohet tek punësimi i të rinjve”, ky ishte mesazhi që përcolli nga selia e Partisë Socialiste ish-Presidenti i Parlamentit Europian, njëherazi drejturesi i Partive Socialdemokrate Martin Schulz. Përmes një deklarate për mediat pas takimit me Sekretarin e Përgjithshëm të Partisë Socialiste Damian Gjiknuri në selinë rozë Schulz u pyet për largimin e të rinjve shqiptarë nga vendi drejt Gjermanisë. Ai tha se pavarësisht se qeveria shqiptare ka bërë shumë hapa para ajo duhet të ndryshojë fokusin dhe të merret me punësimin e të rinjve.
Martin Schulz: Unë kam ardhur mbrëmë në Tiranë, kam ardhur ktu për një vizitë të shkurtër. Kam takuar kryeministrin Edi Rama dhe Damian Gjiknurin. Vlerësoj shumë punën e bërë në Shqipëri, zhvillimet politike dhe ato të lidhura me Bashkimin Evropian.
Pyetje: Ju folët për ndryshimet që janë bërë në Shqipëri, por a keni një koment për të gjithë shqiptarët që janë bërë në Shqipëri, por kanë zgjedhur të emigrojnë në Gjermani?
Martin Schulz: Kjo është një pyetje shumë e rëndësishme, e rëndësishme është që qeveria ka bërë një punë shumë të mirë, por duhet të fokusohet tek punësimi i të rinjve.
