SHKODËR– Të shtëna me armë janë regjistruar mbrëmjen e sotme në Shkodër. Sipas burimeve, një plumb ka thyer xhamin e një dritareje në një banesë në lagjen “Skanderbeg”.
Nga hetimet e para dyshohet se në afërsi të zonës të njohur si Penda e lumit Kir që ndodhet përballë me banesën, është shtënë me armë zjarri. Si pasojë plumbi ka goditur xhamin e dritares duke e thyer. Në momentin e ngjarjes familjarët kanë qenë në banesë por fatmirësisht nuk kanë pësuar lëndime.
Nga të dhënat paraprake dyshohet të jetë plumb pistolete. Policia ndodhet në vendin e ngjarjes dhe po punon për zbardhjen e saj
