SARANDË– Detaje te reja janë zbardhur në lidhje me të shtënat me armë zjarri të regjistruara pak minuta më parë në “Lagjen nr.1″ në Sarandë. Përmes një njoftimi për mediat Policia bën me dije se Klaudio Qëndro, 23 vjeç duke luajtur me një armë zjarri, ka kryer qitje të pavullnetshme. Fatmirësisht nuk ka pësuar lëndime. Pas ngjarjes ai është arratisur nga makina por që është kapur pak minuta më pas nga Policia. Gjatë ndjekies së Policisë ai e ka hedhur armën e zjarrit. Vijojnë hetimet.
NJOFTIMI I POLICISË:
Sarandë/Informacion paraprak Rreth orës 12:00, në lagjen nr. 1, Sarandë, shtetasi K. Q., i cili udhëtonte me automjetin tip “BMË”, dyshohet se duke luajtur me një armë zjarri, ka kryer qitje të pavullnetshme, pa shkaktuar dëmtime të personit. Shtetasi K. Q. ka braktisur automjetin dhe është larguar me vrap, në brendësi të lagjes. Shërbimet e Policisë janë vënë në ndjekje të shtetasit K. Q. dhe pas disa minutash ndjekjeje, bënë të mundur kapjen e tij. Vijon kontrolli i zonës për gjetjen e armës së zjarrit, pasi kur është larguar me vrap, ka hedhur armën e zjarrit. Në vendngjarje ndodhet grupi hetimor dhe në drejtimin e Prokurorisë, vijon punën për sqarimin dhe dokumentimin e rrethanave të ngjarjes.
