Moti i keq, reshjet e shiut dhe i ftohti nuk e kanë ndalur Majlinda Sulën, motrën e të riut shqiptar që u kthye pa zemër nga Spanja Saimir Sula që të protestojë sot poshtë zyrës së kryeministrit Edi Rama për të kërkuar drejtësi për të vëllanë. Me duart e mbushuara me dokumente dhe zërin që i dridhej ajo kërkonte drejtësi se përse nuk i lejohet që të bëjë analizën e ADN-së dhe të zbulohet e vërteta nëse zemra e mbërritur në Tiranë është e të vëllait. Sula tha se një letërporosi e ardhur nga autoritetet spanjolle ka 8 muaj që rri në sirtaret e ministrisë së Drejtësisë, sipas saj ministria arsyetohet me faktin e nuk kanë përkthyes. Ajo shprehet se rasti është arkivuar si vdekje natyrale ndërkohë që flitet për trafik organesh.
Majlinda Sula: Sot protestojë zvarritjen dhe mos drejtësinë. Zoti Rama, Etilda Gjonaj nisi letërporosi Spanjës, kërkesë për ndihmë juridike, sepse mjekësia ligjore në Shëipëri konstatoi se trupi kishte ardhur pa zemër, Gjonaj u lidh me homologun e saj në Spanjë, do doja të pyesja nëse Manja ca arsyesh ka pasur për t’u interesuar ku ndodhet zemra e shtetasit shqiptar, Saimir Sula. Në qershor të 2021, autoritetet spanjolle njoftuan se e kishin gjetur zemrën, pse doli tani, ku ishte 1 vit e një muaj? Për një vit e një muaj zemra ndahet nga trupi dhe prishet zinxhiri i kujdestarisë së organeve, deri tani ne detyrohemi të bëjmë autopsi të dytë, pse duhet ta besoj pa provën e ADN dhe nëse ju nuk reagoni, kjo provë nuk do bëhet kurrë, kjo zemër nuk e di kujt i përket, gjejeni ju kujt i përket ajo zemër, jo Saimirit, ose është trafikuar ose është fshehur si prova e vrasjes në dhunë nga 8 truprojat e spitalit, por Zoti Rama dhe që unë të zbardh të vërtetën, më duhet që zinxhiri i drejtësisë të mos hesht, të mos hesht Manja, të mos hesht kryeprokurori dhe t’i përgjigjen kërkesave tona. Nga kjo letër porosi e Gjonajt është kthyer një përgjigje që ndodhet në ministri ka 8 muaj, pasi Manja hesht dhe nuk ia dërgon spanjollëve se s’kemi përkthyes, hesht dhe muaj kalojnë dhe rasti i arkivua si vdekje natyrale, as ajo zemër në 22 prill nuk i përket Saimirit. Çfarë ka pritur ministri i drejtësisë 11 muaj për të bërë të njëjtën gjë si Etilda Gjonaj. Këtu flitet për trafik organesh, jo për broçkulla, kanë kaluar 2 vite. Zbrisni këtu dhe shpjegojini nënës së Saimir pse zemra e Saimirit nuk është këtu, që të bëni testin e ADN-së
Ngjarja ka ndodhur më 8 maj 2020, në kohën kur bota po pushtohej nga pandemia e Covid-19. Saimir Sula hyri në spitalin del Mar në Barcelonë, i shoqëruar nga motra e tij Majlinda. Ai kishte temperaturë dhe shkoi të bënte një test covid, i cili doli negativ. Por, 18 orë më vonë, ekipi mjekësor në spital thirri Majlindën për t’i thënë se vëllai i saj kishte vdekur. Mjekët kanë tentuar ta djegin trupin në kohë rekord dhe Majlinda nuk pranoi sepse pa mavijosje në trupin e vëllait të saj. Ajo kërkoi që kufoma do të transferohej në Shqipëri, ku bëri një autopsi të dytë dhe raporti e siguroi se trupi kishte mbërritur pa zemër në vendlindje.
