Tryeza e thirrur nga Gazment Bardhi një ditë më parë ku u mblodhën 43 deputetë opozitarë nuk është parë me optimizëm nga të gjithë mbështetësit e Foltores.
Sekretari për Diasporën në Partinë Demokratike të Rithemeluar, Indrit Hoxha, shkruan në një postim në rrjetet sociale se Gazment Bardhi dhe deputetët që ndodhen pas tij, në radhë të parë duhet të kërkojnë ndjesë për kostot që i kanë shkaktuar demokratëve këto dy vite.
Sipas tij, ata që deri dje ishin mbështetës të Lulzim Bashës, nëse duan t’i bashkohen pjesës tjetër të demokratëve që udhëhiqet nga Sali Berisha, “duhet ta bëjnë këtë si të penduar dhe jo si triumfatorë”.
Testi për këta deputetë, shton Hoxha, është pranimi i lidershipit të Sali Berishës i cili sipas tij mbetet i padiskutueshëm si politikani që ka shumicën e demokratëve.
Postimi i Indrit Hoxhës
Bashkim po, por rreth vlerave, parimeve dhe interesit te demokrateve. Prandaj te gjithe ata sot qe vijne ne partine e vertete te demokrateve ne rradhe te pare duhet te kerkojne ndjese per te gjitha kostot qe i shkaktuat demokrateve ne keto dy vite. Gje te cilen se kam pare keto dite. Duhet te tregojne qarte ne syte e demokrateve reflektimin dhe pendesen politike dhe njerzore. Nuk duhet te vijne si triumfator por si te penduar. Kjo i bashkon demokratet dhe jo interesat e tyre personale ne kurriz te njerzve. Ne radhe te dyte ne asnje moment nuk duhet vendosur ne diskutim lidershipi i Sali Berishes, i cili eshte i vetmi qe gezon mbeshtetjen e gjere te demokratet. Me sa kam pare ne keto dy drejtime nuk ka qendrime te qarta. Ne kete kuptim bashkimi pa qartesuar keto dy elemente nuk ka asnje vlere te shtuar per opoziten!!
