Tedi Blushi: Koha për të shporrur këtë të keqe që është tani. Të bashkuar kundër regjimit!
Tedi Blushi mbajti fjalën e tij në Kuvendin e Lëvizjes Socialiste për Integrim duke kërkuar nga të gjithë populli opozitar por edhe më gjerë bashkimin kundër regjimit.
Blushi i cili ka qëndruar krah Metës në presidencë në ditët e mira por edhe të vështira që për hir të vërtetës nuk kanë qenë pak duket se ka zgjedhur që betejën e tij ta vazhdojë përsëri më ish-presidentin.
Në fjalën e tij ai radhiti arsyet se përse duhet që ky regjim të largohet sa më parë duke përmendur të gjitha skandalet dhe betejat që ka zhvilluar në kohën që shërbente në presidencë.
Fjala e Tedi Blushit:
Përshëndetje te gjithëve !
Faleminderit qe me jepni mundësinë, ne këtë eksperience te pare ne jetën time.
Unë i përkas vetëm popullit te 2 Marsit, dhe sot vij përpara jush si një njeri i lire, si një prej mijëra e mijëra shqiptareve qe dy vite me pare ju përgjigjen thirrjes se Presidentit te Republikës dhe dolën ne shesh me një mision: Rikthimin e Sovranitetit dhe Referendumit.
Te dashur miq,
Ju sot po merrni një vendim historik.
Jo për veten tuaj, por për te ardhmen e fëmijëve tuaj dhe te Shqipërisë.
Kauza juaj me e madhe, ajo e Lirisë, do përshpetojë edhe integrimin europian, qe ka qene prioriteti i juaj.
Populli i 2 Marsit është i etur për Lirinë dhe Referendumin.
Vendi ynë tani është vetëm pranë popullit qe mezi pret te marre ne dore fatet e veta, qe mezi pret t’i japë goditjen finale një kaste mafioze dhe një grupi horrash dhe tradhëtare, qe po shpopullojnë dhe po e falimentojnë Shqipërinë, qe kane nxjerre ne pazar kufijtë e Shqipërisë dhe qe po i ngulin thika pas shpine Kosovës.
Koha për te shporrur këtë te keqe është tani!
Liri, Demokraci!
Sic na la amanet poeti martir, Havzi Nela: O Liri, o vdekje!
Te dashur miq,
Askush me mire se unë nuk e di se Presidenca, nen drejtimin e Ilir Metës, kane qene 2 mars Çdo dite. Ka qene nder dhe privilegj i jashtëzakonshëm te jem bashkëpunëtor i tij dhe i jam falenderues.
Ne këto pese vite, Ilir Meta ka qene I pari ne çdo beteje për mbrojtjen e demokracisë, pluralizmit politik, dinjitetit njerëzor, shtetit ligjor, dhe mbi te gjitha mbrojtës i pakompromis i interesit kombëtar.
Sot kemi nevoje me shume se kurrë për një lidership te forte si Ilir Meta, qe rikthehet ne beteje për një Shqipëri me te drejte, me njerëzore, me te dashur dhe me te dhembshur.
Te dashur miq,
Fuqia e popullit te 2 marsit, qëndron tek bashkimi rreth lirisë. Te bashkuar do t’ia dalim. Ndryshimi po vjen. Për një besëlidhje kuqezi, për sovranitetin dhe referendumin. Koha është tani! Boll duruam. Mjaft indiferencës! Liri, demokraci! O liri, o vdekje!
Te bashkuar Për Referendumin!
