TIRANË– Komisioni i Ankesave dhe Sanksioneve (KAS) ka gjobitur ditën e sotme disa parti politike në vend mes tyre dhe dy më të mëdhatë Partia Demokratike dhe Partia Socialiste. Shkak për këtë është bërë fakti se këto parti kanë tejkaluar buxhetin e caktuar në zgjedhjet e 25 prillit. Masa administrative është marrë me propozim të Kreut të Komisionit Qëndror të Zgjedhjeve Ilirjan Celibashi. Ndërkohë Partia Socialsite është sanksionuar edhe me 5 milion lekë të reja, në një sanksionim të dytë.
Partitë që janë gjobitur me 500 mijë lekë:
- Partia Socialiste;
- Partia Demokratike;
- Lëvizja për Zhvillim Kombëtar;
- Lëvizja e Legalitetit;
- Bashkimi Popullor i Pensionistëve Shqiptarë;
- Nisma Thurje;
- Bindja Demokratike;
- Partia Socialdemokrate;
- Balli Kombëtar;
- Balli Kombëtar Demokrat.
Ndërkohë Partia Socialiste është sanksionuar edhe me 5 milion lekë të reja, në një sanksionim të dytë.
“Vendosjen e sanksionit administrativ në masën 5.000.000 (pesë milion) lekë, sipas nenit 173, pika 9, të ligjit 10019, datë 29.12.2008 “Kodi Zgjedhor i Republikës së Shqipërisë”, i ndryshuar” për subjektin zgjedhor Partia Socialiste e Shqipërisë”, thuhet në njoftimin e KAS.
“Komisioneri ka kërkuar vendosjen e sanksionit administrativ ndaj subjektit zgjedhor Partia Socialiste e Shqipërisë për tejkalim të kufirit maksimal të shpenzimeve. KAS-i çmon se kërkesa e Komisionerit duhet të pranohet dhe ndaj subjektit të vendoset sanksioni në masën 5 (pesë) milion lekë, për shkak se është vlerë më e lartë se sa diferenca midis vlerës së shpenzuar dhe vlerës maksimale të lejuar”, vijon më tej njoftimi.
