TIRANË– Ri-aktivizimi i valëve të të nxehtit afrikan do të kushtëzojë në vendin tonë sërisht mot të kthjellët dhe shumë të nxehtë. Rekordi i temperaturave më të larta që priten të arrijnë deri në 42 gradë celsius do të jenë zonat nga Elbasani në Berat.
Orët e vona të mbrëmjes do të sjellin vranësira të lehta e kalimtare vetëm në zonat Verilindore dhe Juglindore. Temperaturat e ajrit do të rriten sërish në mëngjes dhe në mesditë duke luhatur vlerat ditore nga 21°C deri në 41°C.
Era do të fryjë e lehtë në tokë dhe në det duke arritur shpejtesinë 28 km/h nga drejtimi Perëndimore, kjo do të bëjë që në brigjet detare të krijohet dallgëzim i ulët.
