UKRAINË-Sipas të dhënave nga Organizata Ndërkombëtare për Migracionin (IOM),me temperaturat në Ukrainë që vazhdojnë të bien deri në -10 gradë Celsius,vetëm 7% e njerëzve po largohen nga vendi, sipas mediave të huaja.
“Afro 18 milionë njerëz, 40% e popullsisë së Ukrainës kanë nevojë për ndihmë urgjente humanitare”, tha Shefi i Misionit të IOM-it në Ukrainë, Anh Nguyen.
“Ne duhet t’i mbështesim ata gjatë dimrit, veçanërisht ata që nuk kanë qasje në strehim ose ngrohje”.
IOM u ka kërkuar palëve të interesuara të rrisin përpjekjet e tyre pasi nevojat vazhdojnë të rriten çdo ditë që kalon. Organizata nxorri në pah gjithashtu se 43% e familjeve kanë përdorur kursimet e tyre për mbijetese. Një tjetër 63% e të anketuarve janë duke reduktuar përdorimin e tyre të gazit, energjisë elektrike dhe karburantit.
Që nga dhjetori, IOM raportoi se:” Mbi 5 milionë njerëz që ishin zhvendosur brenda Ukrainës ose më gjerë, janë kthyer në shtëpi”
“Në mars jetonin vetëm 700,000 persona në Kharkiv dhe tani janë mbi 1.1 milion. Njerëzit po kthehen dhe kanë vendosur të qëndrojnë. Ne duhet të kujdesemi për ta”, tha Ievhen Hryschenko.
