TIRANË– Kryetari i Partisë Demokratike Sali Berisha hodhi akuza ndaj kryetarit të bashkisë së Tiranës Erion Veliaj sa i përket shtrimit dhe rehabilitimit rrugës “Xhon Belushi” në kryreqytet. Sipas kryedemokratit Veliaj u kap “mat” duke i dhënë vetes një tender pasi sipas tij ndërkohë që bashkia kishte nisur shtrimin e rrugës Veliaj me datë 9 dhjetor do të shpallte veten “fitues” me emer tjetër dhe që sipas tij do të “fuste në xhep” 470 milionë lek.
Sali Berisha: Veliaj tani në vjedhje përjashton dhe vëllain, vendos të vjedhë nga arka e bashkisë në kontot e tij. Filloi ndërtimin dhe e trumbetoi me të madhe të rrugës ‘Xhon Belushi’, ia preu shiritin dhe hodhi asfaltet, paraqiti buldozierë dhe rrulat aty, ndërkohë shpall të njëjtin ditë tenderin që do mbyllej me 9 Janar për asfaltimin e asaj rruge. Cdo njeri mendonte se do ishte një tender i përcaktuar, kjo ishte një faqe e zezë, është më keq. Po ndërtonte Bashkia rrugën, me datën 9 Veliaj do shpallte veten fitues me emër tjetër, do fuste në xhep 470 mln lekë. E gjitha do ti nënshtrohet një kontrolli të rreptë opozitar. Do njiheni me raste të tjera skandaloze, jashtë imagjinatës.
