RROGOZHINË– Tensionohet situata në KZAZ-në 43 ku po kryhet numërimi i votave për kryebashkiakun e Rrogozhinës. Raportohet se ka pasur një debat mes deputetit socialist Etjen Xhafaj dhe kandidatit të koalicionit “Bashkë Fitojmë” Shkëlqim Hoxha.
Ky I fundit tha se gjatë numërimit të votave ka identifikuar shenja në fletët e votimit të hedhura për kandidatin socialist, Edison Memolla. Hoxha kërkoi ndërprerjen e plotë të procesit dhe rinisjen e tij paraditen e sotme, kërkesë e cila pas konsultimeve me KQZ-në nuk u pranua nga anëtarët e KZAZ-së.
