KOSOVE- Gjatë protestës së sotme në veri të Kosovës kanë nisur incidentet e para, më konkretisht pranë selisë komunale në Leposaviç ku KFOR dhe policia po monitorojnë situatën. Mediat kosovare raportojnë se disa protestues serbë të maskuar kanë sulmuar disa gazetarë të T7, teksa këta të fundit ishin duke raportuar live.
Gazetarja e T7, Arianitë Zhegrova në raportimin e saj ndër të tjera tha se gazetarët janë sulmuar me gurë, vezë e shishe. Personat e maskuar ishin të pranishëm edhe dje në protestat në komunat veriore.
