Tensione tek Kadastra, banorët e Bërxullës përplasen me policinë

TIRANË– Është tensionuar situata në zyrat e Kadastres pasi banorët e Bërxullës kanë tentuar të futen me forcë brenda. Në këtë moment ka ndërhyrë policia, e cila ka mbërritur me forca të shumta për të penguar futjen brenda ambienteve. Kjo protestë ishte paralajmëruar nga banorët të cilët prej muajsh kërkojnë zgjidhje për problemin e tyre. Ata kundërshtojnë projektin e rrugës Thumanë-Kashar pasi ajo kalon në tokat e tyre dhe kërkojnë dëmshpërblim me çmim tregu nga qeveria.