TIRANË– Kryetari i Partisë Demokratike Sali Berisha ka dënuar ashpër dhunën verbale dhe kërcënimet që mbështetësit e ish-kryedemokratit Lulzim Basha ushtruan ndaj deputetëve demokratë që braktisën mbledhjen e Kryesisë të zhviulluar një natë më parë e që zgjati deri sot në orët e para të mëngjesit. Gjatë fjalës së tij në mbledhjen e grupit të PD Berisha tha se ky është një skenar i kryeministrit Edi Rama dhe se ata që e kryen janë banditë e gangsterë.
Sali Berisha: Para se ta mbyll dënoj me forcën më të madhe, gangsterët që kanë kërcënuar gazetarët, të cilët kanë ndjekur gjithë natën një takim, ku ka patur deputetë dhe deputete. Në vend që të falënderohen për sakrificën e tyre, gazetarët janë përballur me sharje, me kërcënime rrugeçërish, për fajin e vetëm se po bënin me sakrifica të vërteta, detyrën e tyre. Nuk jam unë që u sugjeroj atyre se cilin lajm duhet të ndjekin apo jo, por ata në asnjë rrethanë nuk mund të fyheshin apo të kërcënoheshin. Ata që mendojnë se do mbyllin problemet duke fyer dhe kërcënuar gazetarët, janë gangsterë, janë rrugeçërish, nuk kanë asgjë të përbashkët me individë të civilizuar. Po kështu dënoj fyerjet dhe kërcënimet që u janë bërë deputetëve të Kuvendit, akte këto të nj politike dhune, të turpshme që ka në origjinë skenarët e Edi Ramës.
