TIRANË– Ambasadorja Yuri Kim ka komentuar këtë të mërkurë tensionet e ndodhura një ditë më parë në Kampin e Muxhahedinëve në Manzë të Durrësit ku pati përplasje të dhunshme mes tyre dhe Policisë. Sipas Kim është e drejta e Shqipërisë që të vendosë në lidhje me vazhdimin e marrëveshjes por saktësoi se SHBA mbështet të drejtën e vendit tonë për të zbatuar ligjet e shtetit.
Pyetje: DASH ka reaguar lidhur me operacionin në Manzë, janë shprehur të shqetësuar sepse nuk është lëvizje demokratike, a mendoni se Shqipëria duhet të shkojë drejt prishjes së marrëveshjes?
Yuri Kim: Është vendim që duhet ta marrë qeveria shqiptare. Ne e mbështesim të drejtën e Shqipërisë për të zbatuar ligjet në vendet e saj. Ka terma që zbatohen për mysafirët, ne duhet t’i respektojmë.
