TIRANË– Kryetari i grupit Parlamentar i Partisë Socialiste ka kërkuar që të ndërpritet seanca plenare për shkak të tensioneve të forta në Kuvend. Gjatë fjalës së tij Balla akuzoi opozitën se po mbrojnë një non grata dhe po tentojnë të bëjnë vetëgjyqësi. Sipas tij kjo që po ndodh në Kuvend është turpi i opozitës.
Taulant Balla: Kjo është një nga seancat që tregon degradimin e turpit të kësaj palo opozite. I jeni referuar që nga mëngjesi dickaje që nuk ka asnjë akuzë ndaj Shqipërisë, ka vetëm 1 person që është një ish zyrtar i FBI-së. Jeni duke zbatuar porositë e non gratës. Nuk është salla ku bëhet vetëgjyqësia. I propozoj seancës që të kalohet në proces votimi.
