TIRANË– Deputeti i Partisë Demokratike Ervin Salianji ka reaguar ashpër këtë të mërkurë pas tensioneve në mbledhjen e Kryesisë së PD, që agravoi në orët e para të mëngjesit kur mbështetësit e ish-kryedemokratit Lulzim Basha kërcënuan dhe ofenduan deputetët demokratë. Përmes një reagimi në rrjetet sociale Salianji e krahason Bashën si një langaraq në sjellje me Ramën ndërsa sipas tij me demokratët bën gangsterin. Në fund deputeti demokrat bën thirrje që demokratët të ndahen nga kjo shjellje që sipas Salianjit dëmton shpresat e demokratëve dhe të shoqërisë që pret ndryshimin.
POSTIMI:
Langaraq me Ramën, gangëster me demokratët që e mbështesin! Siç e kam paralajmëruar prej më shumë se një viti LB nuk është larguar asnjë ditë, ka përdorur truke për tu zvarritur pavaresisht se nuk ka as mbështetje, as elektorat dhe as parti! E vetmja risi nga e djeshmja ishin pamjet e dhunshme!Pamjet me dhunë verbale, presion, shantazh dhe fyerje ndaj deputetëve të PD që mendojnë ndryshe por që e kanë mbështetur maksimalisht LB tregojnē katandisjen e një njeriu qē u mbështet si shpresa e PD dhe përfundoi në fatkeqësinë e demokratëve! Dhuna e insipruar nga LB ndaj demokratëve bëhet dhe më e rëndë kur mendon që për 10 vite me radhë sjellja ndaj Ramës dhe bandave të tij ka qënë prej të përuluri si langaraq! Sjellja prej despoti, tentativa për pronësinë e kolibes, dhuna, gjuha dhe veprimet bien ndesh me vlerat perëndimore dhe euroatlantike, përfaqësojnë hiç më pak se putinizimin e kulturës politike! Demokratët duhet të ndahen me forcë nga kjo sjellje që po vazhdon të dëmtojë shpresat e demokratëve dhe të shoqërisë!
