TIRANË– Presidenti Bajranm Begaj ka dënuar këtë të enjte sulmet e protestuesve serbë ndaj ushtarëve të KFOR-it në komunat veriore të Kosovës. Gjatë konferencës së përbashkët me homologen hungareze Begaj tha se dhuna është e pajustifikueshme. Kreu i Shtetit bëri thirrje për ç’tensionim të situatës.
Bajram Begaj: Ngjarje të tilla nuk janë në shërbim të askujt, nuk i bëjnë mirë asnjërit. Pengojnë proceset integruese të rajonit në BE. Për në misioni i NATO në Kosovë është një histori suksesi prej 20 vitesh. Ky mision e ka kryer detyrën e tyre me përgjegjësi dhe përkushtim të jashtëzakonshëm. Keqpërdorimi i popullatës serbe në veri të Kosovës, dhe dhuna e ushtruar ndaj KFOR dhe medias është e pajustifikueshme. Asnjë pretekst nuk mund të nxirret për të justifikuar asnjë nga palët për moszbatimin e marrëveshjes të arritur në Bruksel dhe anekseve në Ohër. Në këtë moment nevojitet një çtensionim i situatës, të tregohet maturi dhe durim dhe t’i shërbehet zgjidhjes së problemit dhe të jetë busulla e orientimit të dy vendeve për të arritur atë marrëveshje.
