TIRANË– Kryeministri Edi Rama ka komentuar tensionet e fundit në veri të Kosovës. Kreu i qeverisë tha se nuk ka pasur një bisedë me presidentin serb Aleksandër Vuçiç lidhur me këtë çështje. Pyetjes se në rast të një përshkallëzimi të situatës a do të dërgojë vendi ynë trupa policore në ndihmë të Kosovës kryeministri iu përgjigj duke thënë se nuk ka nevoijë për këtë pasi Kosova është nje shtet sovran.
Pyetje: Keni pasur ndonjë komunikim me Presidentin e Serbisë në lidhje me situatën në Veri të Kosovës?
Edi Rama: Jo.
Pyetje: A do ta ndihmojë Shqipëria Kosovën me forca policore?
Edi Rama: Për çfarë arsye do ta ndihmojë Shqipëria Kosovën me forca policore dhe për çfarë arsye, Kosova që është një shtet Sovran e demokratik duhet të ketë në territorin e saj forca policore të një tjetër shtetit në territor, që është një territor, integritetin e të cilit e mbron një bashkësi e tërë ndërkombëtare.
