TIRANË-Tentohet të helmohet në burgun e Reçit Izet Haxhia. Lajmin e ka bërë të ditur avokati i tij Idajet Beqiri. Ai thotë se Haxhiajt i kanë sjellë në dhomë një pako me ilaçe, duke i thënë se janë nga familja e tij. Por sipas Beqirit, motra e Izet Haxhias që dhe kujdeset për plotësimin e nevojave të tij ka mohuar që të ketë dërguar pako në qelinë e vëllait.
Idajet Beqiri: Punonjësi i burgut i ka thënë se e ke nga familja. Plotësimin e tij me ushqim dhe ilace e bën vetëm motra e tij. Motra ka thënë se nuk kam sjell asgjë.
Pas kësaj ngjarje raportohet se Izet Haxhia ka kërkuar menjëherë takim me drejtuesit e burgut të Reçit dhe hetim të plotë të ngjarjes.
