KAKAVIJË– Një 33-vjeçar i identifikuar me inicilaet M.G është vënë në prangat e policisë së Kakavijës këtë të premte pasi u kap duke ndihmuar një 17-vjeçare për të kaluar në mënyrë të parregullt kufirin. Ai e kishte shoqëruar adoleshenten nga Athina. Në cilësinë e provës materiale u sekustrua një aparat celular dhe një shumë parash.
NJOFTIMI I POLICISË:
Kakavijë, Gjirokastër/Finalizohet operacioni policor i koduar “Front”. Tentoi të ndihmonte një shtetase 17-vjeçare, që të hynte në territorin e Republikës së Shqipërisë, në mënyrë të parregullt, kapet nga shërbimet e Policisë Kufitare dhe vihet në pranga, 33-vjeçari. Seksioni për Hetimin e Trafiqeve të Paligjshme në DVP Gjirokastër, në bashkëpunim me shërbimet e Policisë Kufitare Kakavijë dhe shërbimet e FRONTEX-it, në vijim të punës për goditjen e paligjshmërive në këtë pikë të kalimit kufitar, bazuar dhe në inteligjencën informative, organizuan dhe finalizuan operacionin policor “Front”, si rezultat i të cilit u arrestua në flagrancë shtetasi:
M. G., 33 vjeç, banues në Fier, për veprën penale “Ndihma për kalim të paligjshëm të kufijve”. Ky shtetas është kapur në flagrancë në PPK Kakavijë, duke tentuar të ndihmonte për të hyrë në mënyrë të parregullt, në territorin e Republikës së Shqipërisë, një shtetase 17-vjeçare, të cilin e kishte shoqëruar nga Athina në Kakavijë. në cilësinë e provës materiale u sekuestruan 1 aparat celular dhe një shumë parash. Materialet i kaluan Prokurorisë pranë Gjykatës së Rrethit Gjyqësor Gjirokastër, për veprime të mëtejshme.
