MAQEDONIA E VERIUT– Një 53-vjeçar shqiptar i identifikuar me inicialet L.M është arrestuar ditën e djeshme në pikën kufitare të Dellçevës pasi tentoi të kalonte kufirin me dokumente të falsidikuara.
Gjatë kontrollit në mjetin me të cilin udhëtonte u gjet një kartë identiteti italiane e falsifikuar dhe një patentë shoferi italiane në emër të tij, si dhe një kartë identiteti origjinale e një personi nga Italia.
53-vjeçari është dërguar në komisariatin më të afërt ku dhe është marrë në pyetje, ku ka pranuar se dokumentet ishin të falsifikuara dhe se i kishte marrë nga një person nga Shqipëria kundrejt një shume të caktuar parash.
