LUSHNJE– Ka marrë fund arratia për 26-vjeçarin e identifikuar me inicialet A.B në lushnje. Ai ishte shpallur në kërkim pasi Gjykata e Shkallës së Parë Lushnjë i ka caktuar masën e sigurisë “Arrest në burg”, për veprën penale “Heqja e paligjshme e lirisë”. Ai në vitin 2020 në bashkëpunim dhe me një 42-vjeçar të identifikuar me inicialet Sh.K kanë tentuar të marrin me forcë në automjet një 33-vjeçar të identifikuar me inicialet J.Ll.
NJOFTIMI I POLICISË:
Specialistët për Hetimin e Krimeve të Komisariatit të Policisë Lushnjë kapën dhe ndaluan shtetasin e shpallur në kërkim A. B., 26 vjeç, banues në Lushnjë, pasi Gjykata e Shkallës së Parë Lushnjë i ka caktuar masën e sigurisë “Arrest në burg”, për veprën penale “Heqja e paligjshme e lirisë”. Ky shtetas, në bashkëpunim me shtetasit Sh. K., 42 vjeç dhe G. M., 21 vjeç (të cilët janë ndaluar më parë nga Policia), në datën 06.12.2020, në fshatin Gradishtë, Divjakë, kanë tentuar të marrin me forcë në automjet, shtetasin J. Ll., 33 vjeç.
