ELBASAN– Briken Rusta, 24-vjeçari, i cili disa ditë më parë tentoi të vriste me armë Maringlen Hidën është vënë në prangat e Policisë këtë të hënë. Rusta ishte me kallashnikov në krah i nisur për të ekzekutuar Hidën në momentin që është pikasur nga Policia, e cila më pas është vënë në ndjekje të tij.
Në momentin që ka parë Policinë ai ka hedhur armën e zjarrit dhe është larguar me shpejtësi. Pavarësisht se u ngritën pika të shumta kontrolli në zonë përreth dhe rrugët kryesore kapja e tij ishte e pamundur deri këtë të hënë ku ai u kap dhe u vu në pranga.
