TIRANË– Kryeministri Edi Rama ka bërë publik numrat e telefonit ku të gjithë qytetarët shqiptarë në Tiurqi mund të kërkojnë ndihmë në lidhje me tërmetin tragjik të rënë në kufirin mes Sirisë dhe Turqisë, i cili deri më tani ka regjistruar më shumë se 11 mijë viktima. Rama bën me dije se Ministria e Jashtme është në kontakt të vazhdueshëm me autoritete turke si dhe shprehet se një tjetër grup kërkim-shpëtimi do të niset për tu ardhur në ndihmë ekipeve turke.
POSTIMI I RAMËS:
Lidhur me situatën e rëndë të krijuar nga fatkeqësia natyrore e tërmetit në Turqi. Ministria për Europën dhe Punët e Jashtme njofton se të gjithë shtetasit shqiptarë që ndodhen në zonat e prekura nga tërmeti të cilët kanë nevojë për ndihmë të kontaktojnë në:
Tiranë: (+355) 696 773 168,
Stamboll:(+90) 539 656 621 9
Ankara: (+90) 549 561 198 5
në dispozicion në ndihmën tuaj 24/7 dhe në adresën e email-it:
Në solidaritet me Turqinë dhe popullin e saj në këto ditë të vështira, MEPJ është në kontakt të vazhdueshëm me autoritet zyrtare turke dhe me familjet shqiptare që ndodhen në këto zona.
