TIRANË– Ministria e Mbrojtjes ka reaguar pas tërmetit të fuqishëm që riktheu dhe njëherë frikën tek qytetarët. Në një postim në Facebook ministri i Mbrojtjes Niko Peleshi shkruan se fatmirësisht nuk ka persona të lënduar por vetëm dëme të lehta materiale në tre banesa në Xibër të Klosit.
Niko Peleshi: Sipas të dhënave paraprake nga Qendra Kombëtare Operacionale e Emergjencave Civile dhe Igjeum, lëkundje tërmeti me magnitudë 4.7 Richter, me epiqendër 3 km në jug të Klosit janë ndier në të gjithë territorin e Shqipërisë. Sipas të dhënave të deritanishme raportohen disa dëme të lehta në Njësinë Administrative Xibër, Bashkia Klos. Të gjitha strukturat e Mbrojtjes Civile janë në gatishmëri dhe në kontakt të vazhdueshëm më të gjitha Bashkitë e vendit.
