Një tjetër dëshmi e rëndë është bërë publike në lidhje me konfliktin mes dy adolëshentëve të Shkollës ‘Fan Noli’, ku si pasojë mbeti i vrarë me thikë 14-vjeçari Martin Cani.
Kryetari i PD-së, Sali Berisha ka postuar në Facebook, një audiopërgjim, ku mësohet se që nga oficeri i sigurisë së shkollës, psikologia, mësuesit dhe drejtoresha ishin në dijeni të konfliktit mes dy adolëshentëve dhe nuk kanë marrë masa për ta parandaluar, duke e lënë autorin të vriste Martinin 14-vjeçar.
‘ I riu qe vrau Martinin u kishte treguar thikën klasës dhe u kishte thënë se për kë e kishte marrë thikën me vete. Plus zysha duke qënë në dijeni për konfliktin i ka dhanë leje në përfundimin e orës së 5-të adolëshentit vrasës të Martinit që të dilte pa bërë orën e 6-të dhe lante hesapet me Martinin, pasi Martini në përfundimin e orës së 5-të do ikte për në shpi’, thuhet në denoncim.
Postimi i plotë:
Ndiqeni sipas interesit këtë bisedë prindër-mësuesë në shkollën “Fan Noli”.
Lexoni më posht mesazhin e qytetari dixhital!
Kjo audo e regjistruar nga nje prind e pastaj ma dergoj mua,gjate mbledhjes se sotshme te prinderve me mesuesit e shkolles “Fan Noli”,ne audio eshte nje zoteri prind teper i tronditur,i cili u kerkon dhogari mesuesve dhe drejtorve rreth ngjarjes tragjike.
Ne kte ballafaqim prinder-mesues u thane te gjitha prapaskenat e se vertetes,te cilat nuk do thuhen kurre publikisht.
Pasi mesues dhe drejtore te shkolles “Fan Noli” i kane pyet femijet gjate gjith dites sot dhe dhe ” A ju ka marr kush ne pyetje kto dite’ dhe i porosisin vazhdimisht femijet 6-7-9-13 vjeç qe “Mos jepni intervista mos flisni nese ju afrohen gazetaret”
Konfliktin mes dy adoleshenteve: E dinte ofecieri i sigurise,e dinte psikologu,e dinte drejtoresha,e dinte zysha,e dinin nxenesit. Sepse i riu qe vrau Martinin u kishte treguar thiken klases dhe u kishte thene se per ke e kishte marre thiken me vete.
Plus zysha duke qene ne dijeni per konfliktin i ka dhane leje ne perfundimin e ores se 5-te adoleshentit vrases te Martinit qe te dilte pa bere oren e 6-te dhe lante hesapet me Martinin,pasi Martini ne perfundimin e ores se 5-te do ikte per ne shpi.
