PRISHTINË- Një ngjarje e rëndë është rregjistruar ditën e sotme në Prishtinë, ku një qytetar është therur me thikë. Autori është vënë menjëherë në pranga nga policia, por shkaqet nuk dihen ende. Sakaq i plagosuri është nisur menjëherë për ndihmë mjekësore në ambientet spitalore.
Njoftimi i plotë i policisë:
LËNDIM I RËNDË TRUPOR/Prishtinë 23.07.2023 – 04:11. Është arrestuar i dyshuari mashkull kosovar i cili për shkak të rrethanave ende të panjohura dyshohet se e kishte therrur me thikë viktimën mashkull kosovar i cili si pasojë ka pësuar lëndime trupore dhe për tretman mjekësor është dërguar në qendrën emergjente në QKUK. Në vendin e ngjarjes kanë dalë njësitë relevante policore, kurse i dyshuari me vendim të prokurorit është dërguar në mbajtje.
