KAPSHTICË– Një 31-vjeçar i identifikuar me inicialet V.B banues në Durrës është arrestuar këtë të shtunë pasi u kap në Pikën Kufitare të Kapshticës në tentativë për të kaluar në mënyrë ilegale kufirin. I riu ishte nën masën e sigurisë “arrest shtëpie” pasi Gjykjata e Krujës e kishte dënuar për shkeleje të rregullave të qarkullimit rrugor.
NJOFTIMI I POLICISË:
Shërbimet e Stacionit të Policisë Kufitare Kapshticë ndaluan shtetasin V.B, 31 vjeç, banues në Shënvlash, Durrës, pasi u konstatua në hyrje të Republikës së Shqipërisë, në kundërshtim me vendimin e Gjykatës së Rrethit Gjyqësor Krujë, e cila i kishte caktuar masën e sigurisë “Arrest në shtëpi”, për veprën penale “Shkelja e rregullave të qarkullimit rrugor”, me pasojë plagosjen e rëndë. Veprimet e mëtejshme procedurale do të kryhen nga Komisariati i Policisë Durrës.
