Një 40-vjeçar nga Tepelena me inicialet I.H., u arrestua nga policia pasi theu masën e sigurisë “arrest në shtëpi”.
Masa e sigurisë ishte vendosur për veprën penale “goditje për shkak të detyrës”.
NJOFTIMI
Tepelenë
Theu masën e sigurisë “Arrest në shtëpi”, arrestohet në flagrancë 40-vjeçari.
Specialistët për Hetimin e Krimeve të Komisariatit të Policisë Tepelenë arrestuan në flagrancë shtetasin I. H., 40 vjeç, banues në fshatin Izvor, Memaliaj, pasi ka thyer masën e sigurisë “Arrest në shtëpi”, të caktuar nga Gjykata e Shkallës së Parë Gjirokastër, për veprën penale “Goditje për shkak të detyrës”, duke dalë jashtë banesës.
Materialet në ngarkim të shtetasit I. H. i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.
