KAVAJË– Policia e Kavajës ka reaguar këtë hënë në lidhje me thyerjen me dhunë të KZAZ-së numër 42. Përmes një reagimi për mediat blutë e Kavajës bëjnë me dije se autorë të ngjarjes janë tre të mitur, konkretisht të moshave 9, 10 dhe 13 vjeç, të cilët nuk kanë pasur si qëllim dëmtimin e KZAZ-së por kanë qenë duke luajtur. Ata janë marrë në pyretje në prani të prindërit dhe psikologut ku dhe kanë rrëfyer ngjarjen.
NJOFTIMI I POLICSË:
Kavajë. Në vijim të informacionit paraprak të dhënë mbrëmjen e djeshme, për dëmtimin e derës hyrëse të KZAZ Nr. 42, në shkollën “26 Marsi” (aktualisht jashtë funksionit), ju sqarojmë se: Nga veprimet hetimore ka rezultuar se dera është hapur me forcë nga disa shtetas të mitur, të moshave 9, 10 dhe 13 vjeç. Të miturit janë intervistuar në prani të prindërve, psikologut, avokatit, punonjësve sociale të bashkisë Kavajë dhe kanë treguar se gjatë kohës që kanë qenë duke luajtur me njëri-tjetrin, kanë hyrë në ambientet e shkollës së mesme “26 Marsi”, në katin e parë, ku është edhe KZAZ Nr. 42.
